1403. März 19. Breslau

Reverendo in Christo patri et domino domino Wenceslao digna dei et apostolice sedis providencia Episcopo Wratislauiensi Johannes dei paciencia Abbas Canonicorum Regularium Monasterii sancti Vincencii extra muros Wrat. ord. premonstr. ad quevis beneplacita et genera mandatorum se benivolum et paratum. Vacante prepositatu seu prepositura deodicatarum virginum Monasterii gloriose virginis Marie Domusdei alias Czarnowans prope Opul vestre Reverende paternitatis dyocesis per obitum honorabilis viri domini Hinrici Slegil felicis memorie ultimi et inmediati eiusdem prepositure seu prepositatus rectoris, Cuius iuspresentandi ad nos et ad nostrum Monasterium ex commissione apostolica vestre Reverende paternitatis commissario pontificali seu subdelegato honorabilis viri Georgii Fulschussil olim officialis Wrat. ut supra auctoritate apostolica commiss. (sic) honorabilem et religiosum virum dominum Nicolaum de Stercze Canonicum Regularem ord. et nostri Monasterii professum ydoneum honeste conversacionis et vite laudabilis Vestre R. P. de consilio fratrum nostrorum seniorum sororumque nostrarum Priorisse Subpriorisse tociusque Monasterii Domusdei alias Czarnowans, prout liquebat in ipsarum litera, consilio consensu et favore presencium sub tenore presentamus. Nichilominus eidem acceptandi possedendi et habendi preascriptam preposituram et prepositatum licenciam nostram libere et voluntarie concedentes Rogantesque cum eo et pro eo humiliter et attente quatenus prefato domino N. dicto de Stercze pure propter deum curam spiritualium et temporalium et regimen animarum ibidem cum effectu committere dignemini graciose. Datum Wratislauie Monasterio S. Vincencii prenotato nostro sub appenso sigillo. Sub anno Incarnacionis domini Millesimo quadragentesimo tercio feria secunda post dominicam Oculi.

Mit dem anhangenden Siegel des Abts, Aus dem Archive von S. Vincenz.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.